تعرف على بعض انواع المسمدات المحفزه لازهار التباتات المزهره والمثمره وطرق استخدامها

تعرف على بعض انواع المسمدات المحفزه لازهار التباتات المزهره والمثمره وطرق استخدامها

هتكلم عن ازاي تكون محترف و تحفز ازهار النبات و تحافظ على الزهور و قوتها سواء للخضروات او الزينة  ، هتروح لبتاع المبيدات تقوله عايز npk عالي الفوسفور ده بيحفز التزهير جداً و تستعمله بمعدل معلقة صغيرة على لتر مياة ترش و تروي بيه مره كل 10 ايام لحد ما النبات يزهر و نوقف استخدامه شويه بعد الازهار لنباتات الزينه بالذات و ممكن نستخدمه بعد انبات البذور لمده اسبوعين برضو لتقوية الجذور  ، هتجيب كمان 20 سم كالسيوم بورون و هتستعمله بمعدل 1 سم بالحقنه على لتر مياة و ترش النبات كل 10 ايام و يوم رش المحلول ده متسمدش ولا ترش بحاجه تانيه ، و هتشتري زنك و تحط من ده و ده معلقه صغيره يعني معلقتين على لتر مياة  "في نفس الازازة " و ترش النبات و تروي  و في اليوم ده برضو متسمدش ولا ترش بحاجه تانيه و تكررها كل 15 يوم ، الكمية دي كلها تكفيك حوالي 3 او اربع شهور لمزارعي البلكونة ، و لتسهيل الموضوع تجيب ورقة و قلم و تعمل جدول تسميد عشان متتلغبطش .

الكالسيوم هو عنصر الصلابة في النبات بيخليه صلب و بينظم المياة و بيقوي الازهار و بيقلل تساقطها وبيخلي النبات يتحمل الظروف الصعبة ، البورون مهم لتكوين زهرة منتظمة غير مشوهه ، الحديد له دور غير مباشر في زيادة الازهار و كل المشاتل بتستخدمه و بينظم التنفس في النبات ، الزنك بيوصفوه انه حكيم النبات لإنه له دور كبير في انتاج الهرمونات النباتيه فده بيخلي نمو النبات افضل و اقوى ، العمليات دي ممكن تستعملها كمان للخضروات هتزود المحصول جداً و هي آمنه طالما استخدمتها بالمعدلات دي .